اشوفكم على خير وادعلولى بالعوده سالمه

[نورهان حامد]

دلوقتى الساعه عندى السادسه وعشر دقاءق صباحا اكتب اليكم الان وانا اجهز امتعتى للسفر مع رحله الى مدرستى الى :
مدينه السادس من اكتوبر سنذهب هنالك الى دريم بارك
مركز سوزان مبارك للعلوم
حديقه حيوان

ادعولى يابنات اعود سالمه باذن الله
وان مايحصلى شئ
او ان مالى يضيع منى او سرقه الموبايل او اى شئ مهم يبوظ فرحتى وانا فى الرحله
واشوف وشوكوم على خيييييييييييييييييييييييييييييييييير

مع السلامه

[مقبله تمشي *_*]

يارب تردين سالمه غانمه
الله يحفظج و يسعدج يارب

[*~JeWeL~*]

تروحي وترجعي بالسلامة ان شاء الله

وبانتظار تقريرك عن الرحلة

[احلا عروسه]

تروحين وترجعين بالسلامه

[شااانيل]

يارب تردين سالمه غانمه

الله يحفظج و يسعدج يارب

[نورهان حامد]

الله يخليكم ليا

[نورهان حامد]

انا بعد اما كتبت هنا الصبح وعملت الموضوع ده
مشيت انا وماما عشان توصلنى عند محطه سكه الحديد اللى فى بنزيون المحله وبعدين جه الاتوبيس وركبت وودعت ماما وقلنا دعاء السفر
ووصلنا الى مدينه السادس من اكتوبر حوالى 10 ونص صباحا ثم ذهبنا هناك الى مركز سوزان مبارك للعلوم
واتعرفنا على حيوانات كتيره ودخلنا لغرفه السينيما كانت كبيره ارتفاعها يساو ارتفاع مبنى من ست ادوار
والشاشه 20 متر فى 30 متر وفرجونا فى الاول على توم وجيرى
وبعد كده قالولنا البسوا نضاره عشان تعرفوا تتفرجوا على الفلم فسالنا لييييييييييه
قالوا الفلم ثلاثى الابعاد والنضاره بتجمعه
فلبست النضاره وكان الفلم عن الديناصورات وخصوصا الديناصور تيركس كان بطل الفلم وكنا نحس اننا جوه الفلم لان لما كانت البطله عماله تحدف الهدوم كان بنحس انها بتنحدف فى وشنا
وعضم الديناصور اتحدف فى وشى وكان فليم روعه روعه واكثر من روعه ياريتكم كنتوا معايا
وبعد كده روحنا دريم لاند
ولعبت كل الالعاب مثل قطر الشرق وقطر الظلام وديسكفرى ودوامه قيصر وتعبت بعدها ودخت جدا بس برده روحت اكمل لعب محرمتش ههههههه
وركبت الفنجان والمطاط والاناناسه والشلال ركبته مرتين صراحه كان روحت وهدومى كلها اتغرقت وسوقت السيارات ولعبت لعبه وكسبت دبدوب وطياره لعبه وعصا تنير فى الظلام وكانت اول مره اكسب فى حياتى
وكنت فرحانه جدا بيهم
وفى وسط هذه الاجواء كنت خايفه على فلوسى والموبايل ليتسرقوا كنت مسكاهم جامد جدا
وبعد كده روحت مسرح الاطفال وكانت سندريلا هناك والرمز بتاع دريم لاند كان عمال يرقص معانا وكان بيغنى اللى هو شكله طخين ولابس نضاره وكبير الحجم
وركبت القطر ده

وده وراه على طول الشلال

وده كان المطعم

والعمود العالى ده كان لعبه ديسكفرى كانت بتطلع ونتزل بينا بسرعه جدا وكنت بموت فى اللعبه وبقول كفايه نزلونى
ههههههههههه

واللعبه دى كنت عايزه اركبها بس فالوا انها للاطفال بس ياخساره اصل انا بحب لعب الاطفال قوى

ومشينا من هناك الساعه سابعه باليل وكانت رحله روعه وروحنا بقا للبيت ودخلت نمت على طول مكنتش قدره وطبعا صرفت كل الفلوس اللى معاى
والحمد لله محصليش حاجه وحشه وكان يوم رووووووووووووعه اتمنى لو كنتوا معاى فى هذا اليوم
ووحشتونى جدا

[نغم2020]

انتى خلتينى اشتقت للرحلالالالالالالالالالالات كتييييير
حمد لله على سلامتك يا قمر

[نورهان حامد]

,؛.شكرا حبيبتى نغم.

[mnne]

ربنا يجعل ايامك كلها فرح فرح يا نورهان