ساعدوني

[الالماسة]

برنامج TeamViewer للتحكم بأي جهاز في العالم عن بعد رهيب بالشرح

اعوذ بالله من هالبرنامج صار لي موقف واعترف انها لحظه غباء مني

تكفون انا كان معي وحدة على المسن وعطتنياة وبصراحه حملته وانا مدري شسالفته
المهم قالت فكي ظغطه وفكيت الظغط وعطيتها الارقام السريه اللي فيه
وقامت تتصفح جهازي وتقولي المحادثات اللي اسولفها وانا على غفلتي والله مادريت انه يكشفها ابد
المهم من الخوف قمت وحذفت البرنامج من الملفات المتلقاة ومن المحذوفات وبحثت بالكمبيوتر بسم البرنامج ولا لقيته
فماادري تكفون افيدوني بعد كل هاللي سويته ياترى تقدر تتصفح جهازي والا لا؟؟

[unprofessional]

السلام عليكم ورحمة الله وبركاته

أختي بكون صريح معاك ... البرنامج هذا اعتبره افضل واقوى واسرع برنامج للتحكم من بعد وبدون منافس ولا استغني عنه ابداً واساعد ناس كثير عن طريقة ولله الحمد خادمني كثير ..

لاكن انتي قلتيها غلطتك انك تجهلي في هذي البرامج ومن اهم اسباب اختراق الاجهزة وسرقة بياناتها هي جهل المستخدم ببرامج الاختراق وحتى لو كانت برامج نظيفة مثل البرنامج هذا فممكن انه يستغل بشكل سيء ... انتي تقولي ان البنت صارت تعرض محادثاتك وغيرها فالمفروض من البداية حذفتيه أو قفلتيه علشان ماتشوف حاجات خاصة فيك ... بعدين كان المفروض يأختي الكريمة إنك سألتي الناس عن البرنامج هذا وفايدتة قبل ماتحمليه وتركبيه ... وبعدين لاتخافي مادامك حذفتيه فماراح تقدر تدخل على جهازك لأن البرنامج بمجرد ماتقفليه يغير الباسوورد تبع جهازك مباشرة ولا يقدر اي شخص يدخل عليه يعني يكفي لو انك قفلتيه بدال حذفه لأنه ممكن تستفيدي منه في المستقبل ....

لازم نحاول بقدر المستطاع اننها نثقف انفسنا ونتعلم اكثر عن برامج الحاسب الالي ووظيفة كل برنامج ويكفيك في اليوم فقط ربع ساعة تقرين عن 6 أو 7 برامج وتفهمي طريقة عملها وبكذا بعد فترة بسيطة بيكون عندك إلمام شامل لأغلب برامج الحاسب بإذن الله ......

وأي مساعدة أخوك حاضر وتحت آمرك

أخوك الهــــــاوي ..............

[الالماسة]

جزاك الله خير ياخوي
جعل ربي يوفقك ويسعدك دنيا واخرى
والله انك ريحتني
انا اللي يستخدمونالجهاز معي كثير وهذا اللي ذابحني ماودي احد يتجسس عليهم وهم مايدرون
بس دام حذفه يلغيه اشوى اك ريحتني
ربي يسعدك وموفق ياطيب