ساعدوني تروني غشيييييييييييييمة بمعنى الكلمة

[كتاكيتو]

السلام عليكم
خواتي الله يخليكم ساعدوني لاني ماعندي فكرة عن المكياج والماركات والاسعاروابغى اروح السوق وماني عارفة وش اشتري ويش اللي يناسبني من كريم اساس وبودرة علما ان بشرتي دهنية

[ميرنا]

يا قلبي إنتي ... أنا نفسك

[جـويـل]

السلام عليكم ورحمة الله وبركاته

في البدايه بما انك جديده ارحب فيك واتمنى انك تفيدي وتستفيدي وانشاءالله راح تعلمين المكياج من طقطق لي سلامو عليكو (اقريها بالمصري ) 2

انا راح اقول لك الماركات اللي استخدمها يعني عن تجربه بس انا بشرتي مختلطه

اذا بشرتك دهنيه اختاري كريم مكتوب عليه free oil وانتي اختاري شنو اللي يناسبك شوفي كريستيان ديور لانكوم او جيرلان او HR


البودره المضغوطه كانيبو تقدرين تحطينها بدون كريم اساس - جيرلان -لانكوم


الشدو ماك و جيرلان وشارمل وديور


الكحل السائل لانكوم بدون منافس


كحل القلم ماك او ريفلون انا استخدم ريفلون حاليا اسود قوي


في عند جيرلان الكحل العربي داخل العين لا يطوفك في منه تركواز و زيتي و اسود و بني على ما اعتقد بس حلوين خصوصا للمناسبات



احمر الشفاه HR ولانكوم و شانيل


GLOSS لانكوم و red earth


الماسكارا HR اولانكوم بس HR احسن



الكونسيلر لانكوم و ميك اب فور ايفر


بالنسبه للبلاشر مو شرط ماركه معينه اشتري اللي يعجبك في عندك كاراجا و برجواز وشانيل وبوبا و ديور


اعذريني اذا نسيت شي .. اي استفسار انا حاضرة

اختك جويل

[كتاكيتو]

مشكورة اختي ميرنا على مرورك وان شاء الله تستفيدي من اللي كاتبته اختي جويل




مشكورة اختي جويل وجزاك الله كل خير وانا كتبتها كلها والله ماني عارفه كيف اشكرك وماقول غير الله يسعدك ويحقق كل اللي تتمنيه
بس عندي سؤال وش هيHRيعني وش اسم الماركة بالظبط الله يعينك علي اسألتي <ماصدقت احد يعطيها وجه >

[ميرنا]

ميرسي

[جـويـل]

هلا كتاكيتو وجزاك الله خير عالدعوه بعدين اخذي راحتك بالاسئله عادي

HR هي ماركة helena rubinstein تلاقينها في محلات بيضون و faces

هذي المساكارا اللي استعملها



في عندهم ارواج حلوة حيل اذا تبين اعطيك رقم اللي عندي بس شوفي لا تعقدين من لون الروج اللي بالصوره مالقيت الوان حلوة 2 بس بغيتك تشوفين شكل الروج





اختك جويل

[كتاكيتو]

تسلمين حبيبتي والله انك تعبتي نفسك( بس تعبي راحة صح؟؟)

بس
انا من السعودية وماادري الأماكن اللي قلتيها موجودة عندنا والله لا؟

بس بسألك وش افضل ماركة للأضاءة وين احطها بوجهي بالظبط؟

وش تستخدمي في رسم الحواجب؟ (ما قلتلكم غشيمة بمعنى الكلمة)!!


وسلامتك

[DLoOo3ah]

سلالالالام ..

أختي كتاكيتو ..

شوفي أنا ماأدبر كل شي بس يعني فيه أشياء أصرف عمري فيها .. بس حبيت أسألك أنتي وين بالسعوديه عشان أساعدك في وجود ماركة هيلينا رونشتاين ..


تحياتي ..

[كتاكيتو]

مشكورة اختي وجزاك الله كل خير
انا ياطويلة العمر من الشرقية وأهلي في جدة يعني مش مشكلة اي مكان فيهم بس لو الشرقية يكون أفضل والله اني فرحانة انه في حد حيساعدني وان شاء الله تكوني من الشرقية او جدة يارب

وسلامتك ياعمري

[جـويـل]

السلام عليكم ورحمة الله وبركاته

هذي ترى ثاني مرة احاول ارد عالموضوع مدري ليش الرد يختفي

شوفي يا كتكوته مو شرط تشترين قلم حواجب ماركه ... اهم شي يكون اللون مناسب واذا تبين ماركه عندك شدو الحواجب من البودي شوب

بالنسبه لكريم الاضاءة فهو يوضع بعد كريم الاساس عشان يبرز بعض الاماكن في الوجه مثل الخدود و استقامة الانف و الذقن و الجبهه بس شوفي مو معناه تحطينه كذا ! انتي و تقاسيم وجهك مو شرط تحطينه على كل مكان ... انا عن نفسي احطه بس عالخدود لاني ما احب الطخ واجد .. انا استخدم كلينك اللي طايح بجبدي بس بخلصه 2 و BN ben nye بس على حسب كلام البنات يمدحون ريفلون حيل و جيرلان انتي جربي بالمحل وشوفي اللي يناسبك و انصحك تاخذي الوردي


انا متأكدة انك بتلقين الماركات وانشاءالله البنات ما يقصرون معاك


اختك جـويـل