ملف خاص لمشكلات البشرة وحلولها

[أم عدول]

تسلمون خواتي على مروركم الكريم وان شاءالله راح أحط مواضيع تفيد الجميع بس عطوني شوية وقت .. لأن البحث مستمر.


تحياتي
ام عدوول

[العنزية]

الف الف الف شكر لج اختي ام عدول بس بغيت اسالك عن خليط النشا وماي الورد وشلون اعمله هل هو ماسك ولا شو وكم المدة الي احطه على وجهي ادري اني اذيتج بأسألتي بس ماعليه تحمليني شوي

وجزاك الله عنا الف الف الف خير

[أم عدول]

العنزية
حبوبة ما في ازعاج ولا شي بالعكس خذي راحتج واسألي على كيفج.
شوفي حبوبة ... الخليط عبارة عن ماسك للوجه تحطينه لين ينشف بعدين تغسلينه ... طبعا ملعقة من كل شي ... بس حبوبة أنصحج بالدكتورة الجلدية اذا كنتي فعلا محتاجة لعلاج مناسب وسريع ..

تحياتي
ام عدووول

[دلوعة حمد]

قواااج الله حبيبتي أم عدول...!!!

ومشاء الله عليج مب مقصرة في مواضيعج ودووم نستفيد منج...!!!

الله يعطيج العافية
ومن تميز الى تميز ان شاء الله...!!


بس ام عدول ماعليج امر اني كنت امجهزه موضوع من فترة بخصوص حب الشباب والكلف وحابه اذا ماعليج امر اني انزله بموضوعج ذي...!!!




ممكن...؟!!

[أم عدول]

دلوعة حمد

هلا حبوبة .... انا سويت الملف هذا لكم وعشانكم .. وأرحب بكل وحدة تحب تشارك والله فرحتيني حبوبة ... يلا وين الموضوع ... كلنا بانتظار موضوعج حبوبة ... ما تقصرين والله ... وتسلمين لنا حبوبة ..

تحياتي
ام عدوول

[دلوعة حمد]

هلا وغلا عيوني أم عدول وامسااامحه على رزة الفيس


الموضوع كنت امجهزته من فترة بس مالقيت فرصة اني اخلصه بالكامل وانزله


بس الي عندي بحطه وياريت عيوني أم عدول اذا عندج تعليق او مداخله بخصوصه انج اتعلميني لأنه يمكن اغفل عن نقطه او احط معلومه غلط

[دلوعة حمد]

1-شغلة مهمه لازم اننا نتبه لهاوهي عدم الخلود الى النوم من دون تنظيف الوجه وغسله...!!لانك لو رحتي اتنامين مع بقايا المكيااج او الاوساخ العالقه بوجهك...!!
راح تصحين وبوجهك بعض الحبوب المقرفه والفظيعه

2- لاتستخدمي الصابون أو أي منتج يحتوي على مواد قلوية مهما كان الصابون لأن الصابون بصفه عامه يجفف البشرررة ويسبب عدم توازنها...!!

3- إستخدمي المنظفات الكريمية مثل:

Clean and Clear's Cream Cleanser




Biore's Facial Cleanser





شخصياً استخدم
Neutrogena Deep Clean Cream Cleanser, Oil Free







ووايد مرتاحة معاه

[دلوعة حمد]

4- لاتضغطي على البثور ولاتلعبي بها لأن هالشي راح يسبب احمرار الحبوب وممكن يزيد حجمها أو انهااا تترك علامة في وجهك ولاتختفي...

5- حطي في بالك ان البثور اذا ظهرت في وجهك تستمر لمدة5-8 أيام ولكنها قد تزيد اذا حاولتي انك تلعبين بها وتضغطين

6-للتخلص من الحبوب والبثور استخدمي الادوية الي تحتوي على بروكسيد البنزويل- benzoyl peroxide أو مطهر حمض الساليسييك-salicyic acid cleanser
ممكن تسألين عنهم في الصيدلياات وهي ادوية ومنظفات جداً ممتازة وعادة تعطي نتايج في خلال أسبوع اذا واضبتي على إستعمالها...!!








7- من الاقنعة المفيدة جداً للبشرة والتي تحتوي على فيتامين Aاستخدمي بياض البيض كقناع وضعيه على بشرتك لمدة15 دقيقة...


وبس هذا هوووو

[ღالسندريلاღ]

دلوعة حمد

[ميس القلب]

تســلمين والله فعلا موضوع رائع أحترت والله استعمل ايش ولا ايش